3.3 Reading/Listening 2: انجم کا خاندان

السلام علیکم

میرا نام انجم ہے۔ میرا چھوٹا ساخاندان ہے- میں صاف ستھرے مشی گن کے ایک بڑے شہر ڈیٹرائٹ میں اپنے پیارے اورخوشحال خاندان کے ساتھ رہتی ہوں۔ میرے والد ایک ہنر مند انجینئر ہیں۔ میری والدہ ایک سادہ پاکستانی خاتون ہیں۔ میری والدہ ایک اچھی ٹیچر ہیں۔ میرے ایک بڑے بھائی ہیں۔ وہ ایک ذہین طالب علم ہیں۔ میری ایک چھوٹی بہن ہے۔ وہ بہت خوبصورت ہے میری بہن مجھ سے لمبی ہے۔ میرے بوڑھے دادا اور بوڑھی دادی جان بھی ہمارے ساتھ رہتے ہیں۔ مجموعی طور پر، میرے خاندان میں، سات افراد ہیں۔

میرا خاندان ہر تہوار پر رشتہ داروں کو اپنے گھر بلاتا ہے۔ ہمارے بعض رشتہ دار بہت امیر ہیں لیکن ہمارے بعض رشتہ دار غریب بھی ہیں۔ میرے بڑے چچا اور چچی شکاگو میں رہتے ہیں۔ میرے چچا میرے والد سے زیادہ موٹے ہیں۔ میرے چچا ایک ایماندار پولیس اہلکار ہیں۔

میری چچی ایک ہوشیار تاجر ہیں۔ میری پھپھی ابھی غیر شادی شدہ ہیں۔ وہ ایک محنتی سماجی کارکن ہیں۔ میرے ماموں اور خالہ ابھی پاکستان میں ہیں۔ میرے ماموں ایک مشہور پروفیسر ہیں۔ میری خالہ ایک مشہور گلوکارہ ہیں۔ میرے نانا ایک کسان تھے۔ میری نانی ایک ہنر مند گھریلو خاتون تھیں۔

ہمارے رشتہ دار ہر خوشی اور غم میں ایک دوسرے کا ساتھ دیتے ہیں۔

 شکریہ !