،عزیزم جین

 السلام علیکم

آپ کا خط ملا اور پڑھ کر بہت خوشی ہوئی- اس خط میں، میں آپ کو اپنے خاندان کے بارے میں بتاؤں گی- جیسا کہ آپ جانتی ہیں، میرا خاندان لکھنؤ میں رہتا ہے- لکھنؤ اتر پردیش کا دارالحکومت ہے

میرا خاندان بہت بڑا ہے اور مجھے امید ہے کہ آپ کو مشترکہ خاندان میں رہنے کا اچھا تجربہ ہوگا- میں اپنے شوہر اور ان کے بڑے خاندان کے ساتھ رہتی ہوں- میرے شوہر اختر عالم پچپن سال کے ہیں، اور ایک حکومتی دفتر میں کام کرتے ہیں- میرے دو بچے ہیں، ایک لڑکا عمران، اور ایک لڑکی صبا- میرے سسر ارشد عالم کی عمر تقریباً اسی سال ہے، اور رٹائر ہو چکے ہیں- میری ساس کا نام شہناز ہے- وہ ایک گھریلو اور مذہبی عورت ہیں- میرے دو چھوٹے دیور (شوہر کے بھائی) ہیں، اور ایک چھوٹی نند (شوہر کی بہن) ہے- چھوٹے دیوروں کے نام افروز عالم اور ایوب عالم ہیں- افروز ایک پرائیویٹ کمپنی میں کام کرتے ہیں اور شادی شدہ ہیں- ان کی تین سال کی ایک بیٹی بھی ہے- ایوب ابھی پڑھائی کر رہے ہیں- میری نند کا نام سفینہ ہے- سفینہ پچیس سال کی خوبصورت اور غیر شادی شدہ لڑکی ہے- یہ کرکٹ کی بہت اچھی کھلاڑی ہے- وہ اتر پردیش کے لئے کرکٹ کھیلتی ہے

ان کے علاوہ میرے گھر میں ایک ملازمہ بھی ہے- اس کا نام ندا ہے- ندا گھر کی صاف-صفائی کرتی ہے- ہمارے پاس ایک پالتو کتا بھی ہے- ہم اسے پیار سے ٹائیگر بلاتے ہیں-

امید ہے ہم جلد ملیں گے

آپ کی میزبان امی 

فاطمہ