7.3 ਪਹਾੜਾਂ ਦੀ ਸੈਰ

ਭਾਰਤ ਵਿੱਚ ਹਰ ਸਾਲ ਗਰਮੀਆਂ ਦੇ ਮੌਸਮ ਵਿੱਚ ਇੱਕ ਮਹੀਨੇ ਦੀਆਂ ਛੁੱਟੀਆਂ ਹੁੰਦੀਆਂ ਹਨ।ਅਸੀਂ ਹਰ ਸਾਲ ਗਰਮੀ ਦੀਆਂ ਛੁੱਟੀਆਂ ਵਿੱਚ ਪਹਾੜਾਂ^[1] ਤੇ ਜਾਂਦੇ ਹਾਂ।ਮੇਰੇ ਮਾਤਾ ਜੀ ਕਹਿ ਰਹੇ ਸਨ, ਇਸ ਸਾਲ ਅਸੀਂ ਗਰਮੀਆਂ ਦੀਆਂ ਛੁੱਟੀਆਂ ਵਿੱਚ ਸ਼ਿਮਲਾ ਜਾਵਾਂਗੇ। ਕਿਉਂਕਿ ਗਰਮੀਆਂ ਵਿਚ ਸ਼ਿਮਲੇ ਦਾ ਮੌਸਮ ਚੰਗਾ ਹੁੰਦਾ ਹੈ ਅਤੇ ਸ਼ਿਮਲਾ ਪੰਜਾਬੀਆਂ ਦਾ ਮਨਪਸੰਦ ਸ਼ਹਿਰ ਹੈ। ਅਸੀਂ ਸਭ ਕਾਰ ‘ਤੇ ਸ਼ਿਮਲੇ ਜਾਵਾਂਗੇ। ਮੇਰੇ ਪਿਤਾ ਜੀ ਕਾਰ ਚਲਾਉਣਗੇ। ਉੱਥੇ ਅਸੀਂ ਇੱਕ ਹਫ਼ਤਾ ਰਹਾਂਗੇ। ਅਸੀਂ ਰਾਤ ਨੂੰ ਮਾਲ ਰੋਡ ‘ਤੇ ਘੁੰਮਾਂਗੇ, ਆਈਸਕ੍ਰੀਮ ਖਾਵਾਂਗੇ ਅਤੇ ਵੱਖਰੇ ਵੱਖਰੇ (different types of) ਪਕਵਾਨ ਵੀ ਖਾਵਾਂਗੇ। ਦੂਜੇ ਦਿਨ ਸਵੇਰੇ ਅਸੀਂ ਜਾਖੂ ਮੰਦਿਰ ਜਾਵਾਂਗੇ। ਜਾਖੂ ਮੰਦਿਰ ਵਿੱਚ ਬਹੁਤ ਬਾਂਦਰ ਹੁੰਦੇ ਹਨ। ਕਈ ਲੋਕ ਬਾਂਦਰਾਂ ਤੋਂ ਬਹੁਤ ਡਰਦੇ ਹਨ, ਪਰ ਮੈਨੂੰ ਬਾਂਦਰ ਬਹੁਤ ਚੰਗੇ ਲੱਗਦੇ ਹਨ। ਮੈਂ ਉਹਨਾਂ ਨੂੰ ਛੋਲੇ ਖੁਆਵਾਂਗਾ। ਸ਼ਿਮਲੇ ਵਿੱਚ ਇੱਕ “ਬ੍ਰਿਟਿਸ਼ ਕਿਤਾਬ-ਘਰ” ਵੀ ਹੈ। ਇਸ ਵਿੱਚ ਦੁਨੀਆਂ ਦੀਆਂ ਸਰਵੋਤਮ ਕਿਤਾਬਾਂ ਹਨ। ਮੈਂ ਇਹ ਕਿਤਾਬ-ਘਰ ਵੀ ਵੇਖਾਂਗਾ। ਧਾਰਮਿਕ ਗ੍ਰੰਥਾਂ ਵਿੱਚ ਪਹਾੜਾਂ ਦੀ ਧਰਤੀ ਨੂੰ ਦੇਵ ਭੂਮੀ ਵੀ ਕਹਿੰਦੇ ਹਨ। ਮੈਨੂੰ ਪਹਾੜੀ ਲੋਕ ਬਹੁਤ ਚੰਗੇ ਲੱਗਦੇ ਹਨ। ਪਹਾੜੀ ਲੋਕ ਸਫਾਈ ਪਸੰਦ (like cleaning) ਹੁੰਦੇ ਹਨ। ਇਸ ਕਾਰਨ ਪਹਾੜ ਸਾਫ਼-ਸੁਥਰੇ ਹੁੰਦੇ ਹਨ। ਉਹ ਕੂੜੇ (Garbage) ਨੂੰ ਇੱਧਰ-ਉੱਧਰ ਨਹੀਂ ਸੁੱਟਦੇ। ਮੈਨੂੰ ਪਹਾੜੀ ਲੋਕਾਂ ਦੀ ਇਹ ਆਦਤ ਬਹੁਤ ਚੰਗੀ ਲੱਗਦੀ ਹੈ।ਪਹਾੜੀ ਲੋਕ ਦਿਲ ਦੇ ਸਾਫ਼ ਹੁੰਦੇ ਹਨ। ਉਹ ਕਿਸੇ ਨੂੰ ਧੋਖਾ ਨਹੀਂ ਦਿੰਦੇ ਅਤੇ ਬਹੁਤ ਮਿਹਨਤ ਕਰਦੇ ਹਨ।ਪਹਾੜੀ ਕੁੜੀਆਂ ਵੀ ਬਹੁਤ ਸੋਹਣੀਆਂ ਹੁੰਦੀਆਂ ਹਨ। ਜਦੋਂ ਮੈਂ ਵੱਡਾ ਹੋਵਾਂਗਾ ਮੈਂ ਕਿਸੇ ਪਹਾੜੀ ਕੁੜੀ ਨਾਲ ਵਿਆਹ ਕਰਾਂਗਾ। ਮੈਂ ਵੀ ਪਹਾੜਾਂ ਵਿੱਚ ਵਸਣਾ ਚਾਹੁੰਦਾ ਹਾਂ, ਪਰ ਇਹ ਸੰਭਵ ਨਹੀਂ ਹੈ। ਕਿਉਂਕਿ ਮੇਰੇ ਮੰਮੀ ਤੇ ਪਾਪਾ ਦੋਵੇਂ ਚੰਡੀਗੜ੍ਹ ਵਿੱਚ ਨੌਕਰੀ ਕਰਦੇ ਹਨ।ਪਰ ਮੈਂ ਚੰਡੀਗੜ੍ਹ ਨੌਕਰੀ ਨਹੀਂ ਕਰਾਂਗਾ। ਮੈਂ ਸ਼ਿਮਲੇ ਵਿੱਚ ਕੱਪੜੇ ਦਾ ਵਪਾਰ ਕਰਾਂਗਾ। ਪੰਜਾਬ ਤੋਂ ਕੱਪੜਾ ਲੈ ਕੇ ਸ਼ਿਮਲੇ ਵੇਚਾਂਗਾ ਅਤੇ ਪੰਜਾਬੀ ਸਭਿਆਚਾਰ ਦਾ ਪ੍ਰਚਾਰ ਕਰਾਂਗਾ। ਮੇਰੇ ਪਿਤਾ ਜੀ ਦੱਸ ਰਹੇ ਸਨ ਕਿ ਪਹਿਲਾਂ ਸ਼ਿਮਲਾ ਪੰਜਾਬ ਦੀ ਰਾਜਧਾਨੀ ਹੁੰਦੀ ਸੀ। ਹੁਣ ਸ਼ਿਮਲਾ ਹਿਮਾਚਲ-ਪ੍ਰਦੇਸ਼ ਦੀ ਰਾਜਧਾਨੀ ਹੈ। ਇਸ ਲਈ ਸ਼ਿਮਲੇ ਦੇ ਸੱਭਿਆਚਾਰ ‘ਤੇ ਪੰਜਾਬੀ ਸੱਭਿਆਚਾਰ ਦਾ ਪ੍ਰਭਾਵ ਹੈ।ਮੇਰੇ ਪਿਤਾ ਜੀ ਇਹ ਵੀ ਦੱਸਦੇ ਸਨ ਕਿ ਸ਼ਿਮਲੇ ਦੇ ਸੇਬ ਪੂਰੇ ਭਾਰਤ ਵਿੱਚ ਮਸ਼ਹੂਰ ਹਨ।ਕੁਝ ਲੋਕ ਇਸਨੂੰ “ਸੇਬਾਂ ਦੇ ਬਾਗਾਂ ਦਾ ਸ਼ਹਿਰ” ਵੀ ਕਹਿੰਦੇ ਹਨ। ਮੈਨੂੰ ਸ਼ਿਮਲੇ ਦੇ ਲਾਲ ਸੇਬ ਬਹੁਤ ਪਸੰਦ ਹਨ। ਸ਼ਿਮਲਾ ਇੱਕ ਸ਼ਾਂਤਮਈ ਸ਼ਹਿਰ ਹੈ। ਇੱਥੇ ਪੁਰਾਣੇ ਸਮੇਂ ਵਿੱਚ ਰਾਜਿਆਂ ਦੇ ਵੱਡੇ- ਵੱਡੇ ਮਹਿਲ ਸਨ। ਮੈਂ ਸ਼ਿਮਲੇ ਦੀ ਖੂਬਸੂਰਤੀ ਨੂੰ ਕਰੀਬ ਤੋਂ ਦੇਖਾਂਗਾ। ਉਮੀਦ ਹੈ, ਮੇਰੀਆਂ ਛੁੱਟੀਆਂ ਯਾਦਗਾਰ ਹੋਣਗੀਆਂ।