7.2 ਦੀਵਾਲੀ ਦਾ ਤਿਉਹਾਰ

ਭਾਰਤ ਤਿਉਹਾਰਾਂ ਦਾ ਦੇਸ਼ ਹੈ।ਦੀਵਾਲੀ ਮੇਰਾ ਮਨਪਸੰਦ ਤਿਉਹਾਰ ਹੈ।ਇਸਨੂੰ ਅਸੀਂ ਹਰ ਸਾਲ ਬੜੀ ਧੂਮਧਾਮ ਨਾਲ ਮਨਾਉਂਦੇ ਹਾਂ। ਮੇਰੇ ਮਾਤਾ ਜੀ ਨੇ ਮੈਨੂੰ ਦੱਸਿਆ ਕਿ ਇਸ ਦਿਨ ਸ਼੍ਰੀ ਰਾਮ ਚੰਦਰ ਜੀ ਚੌਦਾਂ ਸਾਲਾਂ ਦਾ ਬਨਵਾਸ ਕੱਟ ਕੇ ਅਯੋਧਿਆ ਵਾਪਸ ਆਏ ਸਨ। ਉਸ ਦਿਨ ਲੋਕਾਂ ਨੇ ਬਹੁਤ ਖੁਸ਼ੀ ਮਨਾਈ ਸੀ ਤੇ ਦੀਵੇ ਜਗਾਏ ਸਨ। ਇਸ ਕਰਕੇ ਇਸ ਦਿਨ ਹਰ ਸਾਲ ਦੀਵਾਲੀ ਮਨਾਈ ਜਾਂਦੀ ਹੈ। ਹੁਣ ਮੈਨੂੰ ਸਕੂਲ ਵਿੱਚ ਦੀਵਾਲੀ ਦੀਆਂ ਛੁੱਟੀਆਂ ਹੋਣਗੀਆਂ। ਛੁੱਟੀਆਂ ਵਿੱਚ ਮੈਂ ਆਪਣੀ ਮਾਤਾ ਜੀ ਦੇ ਨਾਲ ਪੂਰੇ ਘਰ ਦੀ ਸਫਾਈ ਕਰਾਂਗਾ, ਅਤੇ ਅਸੀਂ ਘਰ ਲਈ ਕੁਝ ਨਵੇਂ ਭਾਂਡੇ ਖਰੀਦਾਂਗੇ। ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਲਈ ਮਠਿਆਈਆਂ ਅਤੇ ਤੋਹਫ਼ੇ ਖਰੀਦਾਂਗੇ। ਫਿਰ ਅਸੀਂ ਦੀਵਾਲੀ ਤੋਂ ਦੋ-ਤਿੰਨ ਦਿਨ ਪਹਿਲਾਂ ਦੋਸਤਾਂ ਅਤੇ ਰਿਸ਼ਤੇਦਾਰਾਂ ਨੂੰ ਤੋਹਫ਼ੇ ਦੇਣ ਉਹਨਾਂ ਦੇ ਘਰ ਜਾਵਾਂਗੇ, ਤੇ ਕਈ ਲੋਕ ਸਾਡੇ ਘਰ ਵੀ ਆਉਣਗੇ। ਮੈਨੂੰ ਪਟਾਕੇ ਬਹੁਤ ਪਸੰਦ ਹਨ। ਮੈਂ ਆਪਣੇ ਲਈ ਪਟਾਕੇ ਖਰੀਦਾਂਗਾ। ਮੇਰੇ ਪਿਤਾ ਜੀ ਨੂੰ ਮਠਿਆਈ ਬਹੁਤ ਪਸੰਦ ਹੈ। ਮੈਂ ਉਹਨਾਂ ਲਈ ਮਠਿਆਈ ਵੀ ਖਰੀਦਾਂਗਾ। ਸਾਰੇ ਲੋਕ ਆਪਣੇ ਘਰਾਂ ਨੂੰ ਰੰਗ-ਬਰੰਗੀਆਂ ਲਾਈਟਾਂ ਨਾਲ ਸਜਾਉਂਦੇ ਹਨ। ਅਸੀਂ ਵੀ ਆਪਣੇ ਘਰ ਨੂੰ ਸਜਾਵਾਂਗੇ। ਰਾਤ ਨੂੰ ਅਸੀਂ ਲਕਸ਼ਮੀ ਮਾਤਾ ਦੀ ਪੂਜਾ ਕਰਾਂਗੇ। ਫਿਰ ਅਸੀਂ ਸਾਰੇ ਰਲ ਕੇ ਪਟਾਕੇ ਚਲਾਵਾਂਗੇ। ਪਟਾਕੇ ਚਲਾਉਣ ਤੋਂ ਮਗਰੋਂ ਅਸੀਂ ਰਾਤ ਦੀ ਰੋਟੀ ਤੇ ਮਠਿਆਈ ਖਾਵਾਂਗੇ। ਇਸ ਤਰ੍ਹਾਂ ਅਸੀਂ ਦੀਵਾਲੀ ਦਾ ਤਿਉਹਾਰ ਮਨਾਵਾਂਗੇ। ਮੈਨੂੰ ਇਸ ਦਿਨ ਦੀ ਬਹੁਤ ਉਡੀਕ ਹੈ।